Loreen, mesazh per LGBT ne Shqiperi

Loreen, këngëtarja suedeze që fitoi Eurovizionin përshëndeti sot të gjithë komunitetin LGBT në Shqipëri. Ajo ishte në një ceremoni të organizuar nga Civil Rights Defenders në Stockholm ku merrnin pjesë 160 aktivistë nga mbi 30 vende të botës.

Të pranishëm në këtë aktivitet ishin dhe aktivistë nga Shqipëria. Xheni Karaj dhe Kristi Pinderi biseduan me Loreen, e njohur për mbështetjen që i jep LGBT, në lidhje me situatën e këtij komuniteti në Shqipëri.

Aleanca LGBT dhe Unstraight Museum paraqesin ekspozitën "Art. 1"

Art. 1 PosterÇdo vit, 17 maji festohet si Dita Ndërkombëtare Kundër Homofobisë, në përkujtim të heqjes së homoseksualitetit prej Klasifikimit Ndërkombëtar të Sëmundjeve të Organizatës Botërorë të Shëndetësisë (OBSh) më 17 maj 1990. Në mbarë botën kjo ditë kremtohet me ekspozita, manifestime dhe evente të tjera. Këtë vit, Aleanca Kundër Diskriminimit të LGBT ka bashkëpunuar me The Unstraight Museum (Muzeu Jostrejt) nga Suedia për të organizuar dy javë aktivitetesh që rrethojnë ekspozitën e titulluar Art. 1, e cila do të shfaqet në Muzeun Historik Kombëtar në Tiranë. Kjo ekspozitë përbëhet prej dy pjesësh. Pjesa e parë përfshin ekspozita prej muzeumeve të ndryshmë suedezë të cilat adresojnë tematikën e homoseksualitetit në kontekstin muzeal dhe të praktikave kuratoriale. Kjo pjesë është e organizuar prej The Unstraight Museum në bashkëpunim me Swedish Institute (Instituti Suedez) dhe pas inagurimit të tij në Stokholm në vitin 2008 ka vizituar Letoninë, Serbinë, Bosnie-Hercegovinën, Maqedoninë, Kosovën dhe Rusinë. Muzeumet pjesmarrësë në këtë edicion janë Muzeu i Policisë Suedeze, Arsenali Mbretëror, Muzeu i Nobel-it, Muzeu i Shkencave dhe Teknologjisë, Muzeu Kombëtar i Sportit dhe Muzeu i Historisë Suedeze. Përbërësi i dyte i ekspozitës është i organizuar në bashkëpunim me komunitetet LGBT përqark botës, në këtë rast komunitetin LGBT të Shqiperisë, i cili kontribuon me prinitime të ndryshme të ekspozitës Kukafshehti dhe me një koleksion të objekteve të jetës së përditshme të komunitetit të cilat shprehin dëshira, përjetime, kujtime dhe mendimet e një komuniteti që shpesh-herë neglizhohet. Në Tiranë ekspozita mbështetet prej Ambasadës Suedeze. Duke marrë nenin e parë të Deklaratës Universale të të Drejtave të Njëriut si pikënisje, Art. 1 dëshiron të jetë një hap i vogël në përpjekjen e stërgjatë për të siguruar të drejta të barabarta për të gjithë njerëzimin.

LGBT, përgjigje deklaratës së Komunitetit Musliman

Në Gazetën Shqiptare lexuam sot një deklaratë të pavend të Komunitetit Musliman.

Ky komunitet i kërkonte ministrit Eduard Halimi (po citojmë):  “të mos lejojë që pasionet e një individi apo edhe të një grupi të vogël njerëzish të shkaktojnë zemëratën e pjesës më të madhe të popullsisë, duke pasur parasysh propagandimin e devijimit seksual të këtij komuniteti”.
Aleanca LGBT dhe Pro LGBT janë të detyruara që për të disatën herë të bëjnë sqarimet e mëposhtme:

Në një vend demokratik nuk sakrifikohen të drejtat e minoriteteve, për asnjë arsye. Populli shqiptar ka zgjedhur tashmë të jetojë në një vend demokratik, ku njerëzit respektohen e ku të drejtat e kujtdo mbrohen me ligj. Thuhet në deklaratën në fjalë edhe se: “Totozani po eklipson probleme shumë më të mëdha të shoqërisë shqiptare”.

Ne i kujtojmë Komunitetit Musliman se në vende të qytetëruar në vitin 2013, nuk mund të bësh një hierarki të të drejtave. Të drejtat e njeriut janë njësoj e të panegociueshme, ashtu sicc, për shembull, ne mendojmë se edhe e drejta e femrës muslimane për të mbajtur shami është e panegociueshme.

Sigurisht, dikush mund të thoshte se “kemi problem të tjera”, por ne sërish mendojmë se po, kemi probleme shumë por edhe të drejtat e muslimanëve duhet të jenë pjesë e axhendës së debatit public dhe institucional në respect të të drejtave të shprehjes dhe lirisë së besimit.

I tërheqim vëmëndjen Komunitetit Musliman se nuk mund t’i drejtohet ministrit të Drejtësisë për t’u ankuar për Avokatin e Popullit. Ky i fundit është një institucion kushtetues, që do të thotë se edhe teorikisht edhe ligjërisht qëndron në një shkallë më të lartë në hierarkinë shtetërore dhe institucionale. Besojmë se kjo duhet të jetë një lapsus i pafalshëm për komunitetin musliman: Avokati i Popullit përgjigjet para Kuvendit, jo para ministrit.

Së fundi, i rikujtojmë Komunitetit Musliman se Shqipëria, ndryshe nga Irani, Arabia apo disa vende të tjera, është një vend laik, ku shteti nuk ndërhyn në ccështje të fesë me besimin se edhe feja nuk do të ndërhyjë në punë të shtetit dhe të institucioneve.

Aleanca LGBT dhe Pro LGBT

Kryeministri Berisha pret ne zyre drejtuesit e LGBT (EKSKLUZIVE)

Kryeministri i vendit z. Sali Berisha priti sot në zyrën e tij dy aktivistët për të drejtat e LGBT në Shqipëri, Xheni Karajn dhe Kristi Pinderin, duke u bërë kështu i pari kryeministër i vendit që takon ne zyren e tij  përfaqësuesit e komunitetit LGBT.

Zoti Berisha shprehu mbështetjen e tij për të drejtat e komunitetit LGBT dhe përgëzoi dy drejtuesit e lëvizjes sidomos për faktin që i kanë dhënë zë kauzës që mbështesin. “Ju kam ndjekur me vëmendje dhe keni bërë shumë mirë që keni dalë publikisht për të mbrojtur kauzën tuaj, sepse është e rëndësishme të besosh tek kauza që përfaqëson”.

“T’ju them të drejtën”, vijoi më tej kryeministri, “nuk më vinte mirë kur flitej për këtë çështje dhe nuk kishte asnjë përfaqësues të komunitetit që të dilte publikisht për të mbrojtur kauzën”.

Karaj: Kerkesa ndaj partive, e drejta per te ndertuar familjet tona

Duke folur për dokumentarin “Të fshehur mes jush” të realizuar nga Pro LGBT me mbështetjen e fondacionit Soros, Xheni Karaj, drejtuese e Aleancës LGBT artikulon sot në një intervistë për “Panorama” kërkesën e komunitetit LGBT për të patur të drejtën e adoptimit të fëmijëve dhe legalizimin e të drejtës për të ndërtuar familje e për të rritur fëmijë

Duke folur për prindërimin Karaj thotë: “Ne do të votojmë në qershor dhe duam të dimë: cila forcë politike mbështet të drejtën tonë për të krijuar familje, për të gëzuar privilegjet, por edhe detyrimet që kanë të gjitha çiftet, qoftë në martesë, qoftë në bashkëjetesë? Cila forcë politike ka menduar të na sigurojë të drejtën për të adoptuar fëmijë, në rast se çiftet LGBT plotësojnë të gjitha kushtet e kriteret për t’i siguruar jetë të lumtur fëmijëve? Dhe mbi të gjitha, cila forcë politike do mendojë për masa konkrete për të çrrënjosur diskriminimin në arsim, në aksesin në shëndetësi dhe kudo ku shfaqen persona homoseksualë? Deri tani, ne ende nuk e dimë…”,

Shkrimi i plotë: 

Xheni Karaj e pyet FRD per LGBT. Pergjigjet Oketa (VIDEO)

Kam një pyetje shumë konkrete dhe të shkurtër. Gjatë këtyre viteve, kemi vënë re një frikë shumë të madhe të partive politike për të folur për të drejtat e komunitetit LGBT. Ajo që do të doja të dija nga ju zoti Oketa është kjo: a do të trajtohet dhe nga partia juaj me frikë, mbi bazën e ndonjë hierarkie në lidhje me të drejtat e komuniteteve të tjera, apo do ta konsideroni dhe komunitetin LGBT një grup interesi i cili do të ëprfshihet në programin tuaj politik?

Përgjigje, Gazmend Oketa: Unë ju falenderoj sinqerisht për ngritjen e kësaj problematike, qoftë ju, qoftë znj. Sevim Arbana. Jemi këtu për të prezantuar një program politik dhe ndoshta disa pika mund të hiqen dhe qëllimisht që ti lemë hapësirë diskutimeve. Do të të jap një përgjigje shumë të sinqertë.

Anxhela dënohet më shumë se Delijorgji i Gërdecit

Opinion nga Erjon Tela

Disa ditë më parë lexova në gazetën Standard se është marrë vendimi për dënimin me burg të transgjinores Anxhela. Në lajmin e Standart thuhej se “gjykata ka qenë paksa e butë”. Sipas verdiktit të gjykatës Fatjon Hoxha (Anxhela) u dënua nga gjykata me nga 7 vite e 6 muaj burg për mashtrimin e një biznesmeni gjerman duke e futur në kurth e më pas duke i grabitur 500 euro dhe një iphone. Nje gazete tjeter njoftonte per 5 vite burg.

Ndërkohë gazeta Panorama raporton nga ana tjeter se Mihal Delijorgji, i akuzuar për “shkelje të rregullave mbi lëndët plasëse, djegëse dhe radioaktive” me pasojë 26 persona që humbën jetën dhe afro 300 të plagosur është dënuar me 6 vjet e 7 muaj burg me një vendim të formës së prerë nga Gjykata e Apelit!